Survetsch da manischunz / locaziun da mobilias da sanitad /24 uras accumpignament da tgira

SURVETSCH DA TRANSPORT
Niev post da mediaziun per Falera, Flem, Laax, Sagogn, Schluein e Trin

Il niev post da mediaziun naven dils 1. da fevrer 2022 ei:
Survetsch da transport dalla Crusch Cotschna, Post da direcziun, Steinbockstrasse 2, 7000 Cuera

Annunzia
Annunzias ein pusseivlas sco suonda:
Gliendisdis entochen venderdis, 08.30 - 11.30 sut la numra da telefon: 081 258 45 72.
Ils viadis ston vegni annunziai anticipadamein dus dis da lavur cumpleins avon ch'il viadi ha liug.

Il survetsch da transport dalla Crusch Cotschna sedrezza a tuttas habitontas / tuts habitonts che san buca far diever dils mieds publics da traffic muort motivs da sanadad. Ils viadis medicinals vegnan exequi da manischunzas voluntaris / manischunzs voluntaris. Ils hosps vegnan accumpignai al liug giavischau; tiel miedi, el spital ni a terapias.  


LOCAZIUN DA MOBILIAS DA SANITAD
A tuttas habitontas ed a tuts habitonts affittein nus diversas mobilias e cundrezs da sanitad.

  • Sutga da tualetta
  • Tscherchel tualetta pli ault
  • Sutga per far la duscha
  • Aissa traversa per la bognera
  • Rollatur 

Co annunziar il basegns
Damonda telefonica al biro dalla spitex : tel. 081 921 55 05 sche la mobilia giavischada ei disponibla.


24 URAS ACCUMPIGNAMENT DA TGIRA
Da tuttas uras accumpignaus! L'organisaziun Spitex Selva lavura da present ensemen culla firma "betreuungs-spezialist".
Ei dat denton aunc autras purschidas seriusas. Damondas leutier astgeis Vus bugen inoltrar alla Spitex Selva ni alla Pro Senectute (Tel. 081 300 35 40).

Detagls partenent la firma "betreuungs-spezialist" san ins retrer ord il flyer sut ni sur la pagina www.betreuungs-spezialist.ch